SYDNEY, 25 Julai: Polis Australia ngenukuka kededua deriba helikopter bebadi nyawa pengudah dua helikopter nya belantak ba barat Australia pagi Hari Empat.
Nampung ripot berita Xinhua, insiden nyadi enda jauh ari Mount Anderson Station di Camballin, sebuah mengeri mit di wilayah Kimberley.
Servis emejensi dipadah pasal penusah nya urung pukul 6.20 pagi jam lokal Hari Empat.
Ku penerang dipansutkan Raban Polis Australia kelai tumu mandangka dua helikopter nya belantak pengudah baru bekejang.
Kededua helikopter semina ditepan siku orang aja.
Seduai ke bebadi tu iya nya bela lelaki deriba helikopter ke beumur 29 taun enggau 30 taun mutus seput bekau ti raya bakal.
Biro Pengelikun Pengangkut Australia deka bejalaika pansik pasal insiden nya.-TVS
