BINTULU, 22 Julai: Kompleks Metanol Sarawak ti ngemansutka pe1.75 juta tan metrik metanol setaun nyadi sebengkah agi pengawa beranakka puku di menua tu, ku Premier Sarawak Datuk Patinggi Abang Johari Tun Openg.
“Projek metanol tu iya nya projek keterubah ari enam projek penyungkak betuju ngenegapka sektor ngaga barang enggau nambahka Asil Pemansut Kasar Dalam Menua (KDNK) Sarawak,” ku iya maya bejadika Kompleks Metanol Sarawak, Tanjung Kidurong, ditu sehari tu tadi.
Berebak enggau nya, Chairman Petchem Sarawak, Tan Sri Abdul Aziz Husain dalam jaku dipansutka iya madahka projek nya mega nyadi pemangkin ngagai mayuh agi pemansang ekonomi di rantau tu.
“Penumbuh Sarawak Petcham mega udah nyendiaka pelasar ngagai Sarawak kena ngemansang sereta matak pengereja pengawa bepengelandik deka datai gawa di Sarawak.
“Kelimpah ari nya, sekeda peranak Sarawak udah pulai lalu nyereta Sarawak Petchem ti deka nembuka projek tu,” ku iya.-TVS
