KABONG, 21 Julai: Pengawa ngetan tukun tiru endang siti inisiatif manah perintah dikena mantu orang berikan ke diau ba tebing pantai nambahka pemayuh ikan.
Kaban Kunsil Nengeri (ADUN) Kabong Mohd Chee Kadir madah, asil ari ikan ke mayuh diulih nya deka meri peluang ngagai orang berikan nambahka penatai pemisi diri.
“Kitai udah mujur ngetan 17 igi turun tiru baka ke ditemu semua tukun tu endang siti inisiatif ke chukup manah dikena nambahka pemayuh ikan ba kandang tebing pantai Kabong tu.
“Nengah pemisi tukun tu aku ngasaika nya chukup mantu nambahka pemayuh ikan enggau nambahka penatai pemisi raban orang berikan ba tebing pantai kitai (Kabong),” ku iya.
Iya madah munyi nya maya Program Nurunka Tukun Tiru Kuboid Juvenil di Tasik Kabong 2024 diatur Opis Pengawa Berikan Tasik Sarawak, kemari.
Naka tu urung 33 igi tukun tiru kuboid juvenil enggau takah tujuh bau nautika udah ditan ba kandang tasik Kabong Gerigat.
Pengawa keterubah ngetan turun tiru nya ba taun 2017 ngaul 16 igi tukun tiru.-TVS
