DEBAK, 20 Julai: Kerejasama semua raban chukup beguna dikena nyekat penyadi ulah vandalisme, ku Datuk Mohd Razi Sitam.
Sapit Menteri Pemansang Indu, Anak Mit enggau Pengelantang Komuniti (KPWKK) Sarawak nya madah, ketuai ba renggat baruh baka Tuai Rumah enggau Tuai Raban Bansa (KMKK) patut bejalaika pengawa enggau lebih ngasi dikena nagang ulah ke enda mereti nya ari terus nyadi ba menua diri.
“Aku merambu lebih agi sida JKKK genturung pendiau nyangka ulih ngaga gintir…peda sitak diri. Nyadi tuju iya ditu awakka kitai besaup nyaga perengka guna kitai ke nyadi penguna, reti nya kitai ngesan tanggungpengawa nyaga perengkaguna. Enti perengkaguna nya rusak reti nya kitai sama enda ulih nguna iya, ukai semina perengkaguna baka tu tang mega perengaguna internet enggau ke bukai.
Razi ke mega ADUN Saribas madah munyi nya maya Pengawa Bejadika Diwan Komunii Nek Unai Kampung Serabang di Debak, kemari.
Ku iya, mensia mayuh patut lebih nemu lalu enda mudah tekuing runding nyema bisi orang nguji nyual barang baka gajet enggau rega ke murah laban nyangka nya asil ari pengawa vandalisme tauka enchuri.
Tandu iya, kes churi ba Tower Telekomunikasyen ba Serabang sebedau tu patut nyadika malin laban bekau ari ulah nya deka ngujungka pengerugi manggai beribu ringgit.-TVS
