KUCHING, 16 Julai: Polis ngesahka siku pengereja pengawa perintah ditangkap kena mantu mansik pemati Nur Farah Kartini Abdullah.
Kepala Polis Pelilih Selangor, Datuk Hussien Omar Khan madah, bangkai tudah Nur Farah Kartini ditemu urung pukul 6 lemai ba sebuah ladang sawit di Kampung Sri Kledang, Hulu Selangor.
Iya nerangka, pengawa meresa silik udah dipejalai lalu ngesahka identities nya amat bangkai Nur Farah Kartini, 25, ti diripotka lenyau kena Hari Tiga nyin tadi.
“Berindik ari nya, polis udah nangkap siku peranak menua tu ke beumur 26 taun dikena mantu pengawa mansik,” ku iya nengah penerang media malam tadi.
Ku iya, kes nya dipansik nitihka Seksyen 302 Kanun Keseksaan.
Tudah indu tu siku pengereja pengawa kompeni kerita suwa di Tanjung Malim diripotka lenyau pengudah nganjung kerita suwa ngagai seiku pelanggan, kena Hari Tiga nyin tadi.
Nur Farah Kartini ke asal ari Sarawak sereta ex nembiak Universiti Pendidikan Sultan Idris (UPSI).-TVS
