KUCHING, 15 Julai: Premier Sarawak, Datuk Patinggi Tan Sri Abang Johari Tun Openg sehari tu tadi nerima Darjah Setia Negara Brunei Darussalam nyerumba pengerami Hari Keputeraan Baginda ke-78, Sultan Brunei, Sultan Hassanal Bolkiah.
Abang Johari nerima Anugerah Bintang Darjah Setia Negara Brunei Yang Amat Bahagia Darjah Pertama (P.S.N.B) ti dipenyadika Sultan Hassanal Bolkiah.
Darjah P.S.N.B ke diterima Abang Johari tu mai gelar Dato Seri Setia.
Pengerami nyuaka anugerah pangkat basa nya diatur ba Istana Nurul Iman di Bandar Seri Begawan.
Sama bisi datai iya nya Tuai Pemegai Menua Nengeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Fauziah Mohd Sanusi, bini Premier Sarawak, Puan Sri Datuk Amar Juma’ani Tun Tuanku Bujang, Sapit Premier Sarawak, Datuk Amar Awang Tengah Ali Hasan enggau Menteri Utiliti enggau Telekomunikasyen Sarawak, Dato Sri Julaihi Narawi.-TVS
