IPOH, 12 Julai: Siku pengereja pengawa sebuah serikat kerita suwa ba Tanjung Malim diripotka lenyau pengudah nganjung kerita suwa ngagai siku penguna, kena Hari Tiga tu tadi.
Tuai Polis Pelilih Muallim Supt Mohd Hasni Mohd Nasir madah ripot pengelelang indu ke benama Nur Farah Kartini Abdullah nya digaga bakih ke serumah enggau iya kira pukul 1.56 pagi, kemari.
“Bakih tudah bisi nguji betelefon tang nadai disaut. Nitihka penerang, tudah bisi pangan lelaki lalu raban polis benung nyidi ngambika mantu mansik kes,” ku iya maya dirandau Bernama sehari tu tadi.
Iya madah Nur Farah Kartini asal ari Sarawak sereta mega kala belajar ba Universiti Pendidikan Sultan Idris (UPSI) kepenudi iya dipeda ngena gari korporat bechura biru, betudung enggau ngena tanchut slek chelum.
Nya alai, polis minta mensia mayuh ke bisi penerang pasal kes nya betelefon nuju Indu Opis Polis Pelilih (IPD) Muallim ngena lumur 05-4596122 tauka ngelawa balai polis ke semak.
Sebedau tu, begau ba media rama pasal pengelelang indu nya pengudah siti posting dibantaika siku penguna media rama dipelaba bakih iya.- TVS
