LUNDU, 8 Julai: Siku orang bedarat bebadi nyawa pengudah kena lantak entukar mayuh guna (MPV) Nissan Grand Lavina di Lorong Biawak 10 ditu, tumu pagi tadi.
Ba penusah nya, identiti tudah ke bebadi iya nya Immanuel Heypli,29.
Komander Operasyen Balai Bomba enggau Penyah Penusah (BBP) Lundu, PBK II Francis Kotter madah, raban sida nerima kangau bekaul enggau kes pukul 4.34 pagi lalu terus ngerah kaban BBP Lundu ngagai palan penusah nyadi.
“Seninjik datai ba palan penusah tepedaka siku tudah lelaki dibaruh kerita Nissan Grand Lavina.
“Raban bomba mansutka tudah ngena kereban bantu,” ku iya nengah sebengkah penerang sehari tu tadi.
Ku iya, tudah dikenuku raban ari Sepital Lundu mutus seput ba palan penusah nyadi.
“Udah nya, tudah diserah ngagai raban polis ungkup atur ke bekaul,” ku iya.- TVS
