SARATOK, 22 June: Pekit Krian Mountain Bike Eco Jamboree Edisyen Kedua 2024 ti deka diatur ba Rumah Jaga Nanga Grenjang Krian Saratok nerima timbal ke manah ari pemekuh akiviti lumba ensikal ari dalam enggau menua luar.
Kaban Kunsil Nengeri (ADUN) Krian Friday Belik madah, naka tu bisi 201 iku KFNC penyereta udah ngenuku diri masuk pekit nya.
“Penyampau 201 penyereta udah ngerijister diri datai ari pelilih Betong, Kuching, Labuan, Miri, Sibu, Bintulu enggau bisi mega ari Brunei.
“Tu siti timbal ke chukup manah ungkup Mountain Bike Xtreme Challenge Edisyen Kedua 2024,”ku iya.
Ku iya madah Pekit Krian River Rafting Challenge (KRRC) ke mega diatur beserimbai enggau Program KFNC 2024 mega nerima sambut ke manah enggau penyereta ari 30 tim ke ngaul 120 iku penyereta.
Pengawa ngatur program tu, ku iya deka ngayanka penyelai enti dibanding enggau program sebedau tu enggau ngemeratka aspek budaya komuniti Iban.
Kelimpah digulu sekeda artis lokal baka Margaret Michael Jalang, Richard Lee enggau Lee Zwita.
Nya alai, iya ngarapka mensia mayuh ke bisi ba pelilih tauka ba luar pelilih Saratok sampal datai ngemata serata meri sukung ngagai semua penyereta pekit ti deka berengkah 29 nyentuk 30 June tu.-TVS
