KUCHING, 25 Mei: Pengerami Gawai ke diintu bulan June ninting taun chukup beguna dikena ngempuru enggau nyerakupka raban bansa Bidayuh.
Menteri Pelajar, Inovasyen enggau Pemansang Bakat Sarawak, Dato Sri Roland Sagah Wee Inn madah, penyerakup nya chukup diasai lebih agi beserimbai enggau pengerami Gawai lalu mensia mayuh ulih ngenahka bemacham pemakai ngagai bala pengabang ke bisi datai.
Ku iya, pengawa ngatur program beserimbai enggau Hari Gawai baka Malam Gawai Main Asal Bidayuh beguna nyadi pantar ngempung sereta ngangkatka pesaka asal bansa Bidayuh.
“Dikena kitai terus nyaga pesaka main asal enggau seni kitai, lebih agi komuniti Bidayuh, inisiatif baka tu beguna nyadi pantar ke chukup besai reti.
“Sida narak ulah rebak baru siruka pesaka main asal kitai, nentuka identiti rayat kitai mengkang idup ba tengah-tengah pemansang dunya moden enggau pemansang teknologi,” ku iya.
Iya madah munyi nya maya Malam Gawai Main Asal Bidayuh ba MJC Batu Kawa ditu malam tadi.
Tandu iya, jam diatu semua komuniti meda ubah rama ke chukup jampat sereta dinamik dalam komuniti Bidayuh.
Tang, bansa Bidayuh ke lebih biak mandangka dedikasi ke tegap dalam ngetanka pesaka main asal, seni enggau adat aki ini kelia.-TVS
