Search
Close this search box.
Search
Close this search box.
(ADUN) Krian, Friday Belik maya dirandau media pengudah bejadika sebengkah program di Saratok, kemari.-Foto:TVS

Anang betalatka isu tanah tusur – Friday

SARATOK, 18 Mei: Kaban Kunsil Nengeri (ADUN) Krian,  Friday Belik ngelalau raban ke bekaul badu betalatka isu tanah tusur ke diripotka bisi nyadi ba pelilih Saratok.

Ku iya, isu nya enda ibuh dipetalat laban perintah endang bebendar mantu sereta mutarka sebarang penanggul ke bisi nuntung rayat.

“Kitai endang deka mantu enggau lengkas, tang anang mih sampai beambi ulih ari isu tu madahka perintah nadai kiruh laban perintah enda kala baka nya.

“Peragam nya salah laban nama perintah bejalaika pengawa sida ngambi awak nguna atur ke endang udah ditetapka ngambi pengawa ke digaga ulih mantu mutarka penanggul ditapi rayat,” ku iya.

Iya mansutka penemu nya nimbal tuduh sekeda raban di Saratok ke nguji betalatka isu tanah tusur ke nyadi di Krian.

Empat endur penyadi  tanah tusur tu ngaul Jalai Awik di Simpang Jaong, ba sitak Blaong, Rumah Panjai Kunjan Bila Dua Kabo enggau Rumah Panjai Andrew Nyanggau di Sungai Belong Melupa.

Tanah tusur ke nyadi ba Simpang Jaong sebedauh tu udah diadu, tang ba endur bukai agi dalam proses nyengkaum nganti pemutus enggau agih belanja dikena ngaduka tanah tusur nya.-TVS

TVS provides up-to-date news, captivating dramas, and diverse programmes on channel 122 MYTV, Unifi TV and Astro. Stream TVS live now on the MYTV Mana-Mana, Unifi TV and ASTRO GO apps.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan