KUCHING, 11 Mei: Kepala Polis Sarawak Datuk Mancha Ata madah nadai penambah raban polis di Sarawak ungkup nyaga pengelikun sekumbang pekit Lumba Malaysia SUKMA Sarawak 2024 ke diatur bulan Ogos tu ila.
Ku iya, penyampau raban polis ke dianjung gawa ba nengeri tu diatu endang chukup sepanjai pekit nya diatur.
Mancha mega nerangka, polis Sarawak deka nganjung semua kaban sida nitihka penyampau ke diguna ba semilan endur achara lumba SUKMA diatur lalu nadai ibuh begunaka bantu polis tambah ari luar Sarawak.
“Penambah endang nadai, kitai semina nguna pengereja pengawa maya SUKMA ila, kitai ngaul pelilih-pekilih di Sarawak.
“Nyadi kitai ngempuruka (sida) enggau kitai nguna nyadi pengereja pengawa maya SUKMA ila.
“Penambah ari bukai endang nadai, kitai semina nguna pengereja pengawa ke bisi ba Sarawak aja nya udah chukup, anang irau,” ku iya.
Iya mansutka jalu nya pengudah ngemataka Pengawa Serah Enggau Terima Pangku Pengawa Tuai Opis Pengatur Indu Opis Kontijen Sarawak, kemari.
Ba pengawa nya, Senior Asisten Komisner Awang Din Awang Ghani nyerahka pangku pengawa ngagai Senior Asisten Komisner Rizal Abdul Rahman Siden seraya dikemata Datuk Mancha Ata.-TVS
