DARO, 11 Mei: Pelilih Daro bisi penau dikemansang endur bumai padi padi enggau nyadi siti agi tibang pengeluar padi pemadu besai ungkup Sarawak.
Kaban Kunsil Nengeri (ADUN) Daro, Safiee Ahmad madah, skim padi Daro di Nangar ke ngembuan 3,000 hektar pemesai patut dikemansang baru dikena ngamatka juluk nya.
“Amat udah lama kenyau ari taun 1975, urung 3000 lebih hektar tanah kitai ungkup pengawa bumai padi iya nya di Skim Padi kitai di Nangar.
“Nyadi udah DUN tembu baum Hari Lima minggu baru baka ke udah dipadah aku deka berandau enggau Opis Menteri, Opis berati baka ni kitai ulih ngatur.
“Baka ke ditemu YAB Premier deka meda Sarawak tu nyadi pengeluar padi pemadu besai lalu sekeda projek udah dipejalaika di Gedong,” ku iya.
Iya madah munyi nya maya Pengerami Jom Raya Daro Dao di Daro, Hari Lima.
Tandu Safiee, iya andal pelilih Daro ke tebilang enggau pengawa bumai ulih mantu ngamatka juluk perintah nempa Sarawak nyadi sebuah nengeri pengeluar padi pemadu besai ba Malaysia.
Ku iya, taja empai tealahka Kedah ke chukup tebilang enggau padi tang Sarawak ulih nyadi nengeri tibang padu baru di menua tu.
Ba pengerami nya, Safiee bisi nyuaka chek sepenyampau RM10,000 ngagai komuniti (MAKSAK) Pelilih Daro enggau RM5000 ngagai Komiti Pemansang enggau Pengelikun Genturung Pendiau (JKKK) Tanah Besai Daro.-TVS
