KUCHING, 10 Mei: Pemidang Speaker Dewan Negara, Datuk Mutang Tagal pagi tu tadi endang siti pengelenyau besai ngagai Sarawak.
Sapit Menteri Besai Datuk Seri Fadillah Yusof madah, Sarawak lenyau siku tuai ke mega tukuh ke chukup dibasa.
“Niang udah mayuh nabur jasa ngagai pemansang menua lebih agi Sarawak,” ku iya nengah sebengkah penerang sehari tu.
Nengah penerang dibantai ba laman Facebook iya, Fadillah meri penyinu ati ngagai sida niang sebilik.
Niang asal ari Lawas, nyadi Orang Ulu keterubah dipadu nyadi Yang di-Pertua Dewan Negara enggau kala gawa nyadi Kaban Parlimen Bukit Mas, Sarawak ari taun 1982 nyentuk 1990.
Niang diaku midang ba Institut Jantung Negara (IJN) pukul 11:46 pagi tadi ketegal penanggul tungkul ati. – TVS
