KUCHING, 10 Mei: Sapit Menteri Ekonomi Datuk Hanifah Hajar Taib ngasaika pemidang Speaker Dewan Negara, Datuk Mutang Tagal sehari tu tadi siti pengelenyau besai ngagai menua sereta Sarawak.
“Niang udah bejasa ngagai menua lebih agi di Sarawak kenyau ari iya ngaul diri dalam politik,” ku iya nengah sebengkah penerang sehari tu.
Hanifah mega ngenataika penyinu ati ngagai sida niang sebilik lalu ngarapka sida sebilik sereta kaban belayan ke dampih sama kering ati napi penusah nya.
Datuk Mutang Tagal iya nya tuai Dayak keterubah dipadu nyadi Yang Di-Pertua Dewan Negara enggau mangku penuduk nyadi kaban Parlimen Bukit Mas ari taun 1982 nyentuk 1990.
Niang midang sehari tu tadi ba Institut Jantung Negara (IJN), Kuala Lumpur pukul 11:46 pagi ketegal penanggul tungkul ati. – TVS
