KUCHING, 28 April: Siku lelaki bebadi nyawa pengudah kena timbak bakih diri empu maya benung ngasu jani kampung ba siti kebun sawit di Kampung Beradek Kuching, kemari.
Tuai Polis Pelilih Kuching, ACP Ashmon Bajah madah, raban sida nerima kangau bekaul enggau penusah nya urung pukul 11.48 pagi.
“Tudah ke beumur 44 taun dikenuku mutus seput ba palan penusah nyadi.
“Beduduk ari nya, saspek ke nimbak tudah beumur 38 taun udah ditangkap.
“Sama dirampas polis senapang patah ke dikena saspek ungkup pengawa pansik,” ku iya dalam sebengkah penerang kemari.
Nangkan ke nya, Ashmon madah raban polis deka bejalaika pansik silik bekaul enggau kes nya.
Kes dipansik nitihka Seksyen 302 Kanun Keseksaan enggau Seksyen 8 (a) Akta Senjata Api 1960.-TVS
