SPAOH, 25 April: Program Nurseri Buah, Sayur enggau Padi ba bagi menua Betong bisi penau besai terus dikemansangka.
Nya alai, Sapit Premier Sarawak Datuk Amar Douglas Uggah Embas ngelalau semua raban pekebun mit ke bisi ba Betong, lebih agi pekebun ba Bukit Saban patut nguna peluang nya enggau manah.
“Nyadi, tu dipeda kami bisi potensyel ti besai laban makit iya pan besai sereta kitai benasit manah laban kitai bisi siti serikat GWG ti udah bepalan ba Simpang Debak.
“Nya alai, sida udah numbuhka mayuh macham bansa utai tanam ti dipadahka aku tadi ungkup tuju ngeluarka benih,”ku iya.
Kelimpah ari nya, Uggah ke mega Kaban Kunsil Nengeri (ADUN) Bukit Saban madahka, raban iya deka bekerejasama rat enggau Serikat Green World Genetic (GWG) dalam ngemansangka program ngasilka benih nya ba sitak DUN Bukit Saban.-TVS
