Selamat lemau! Mana berita?
Cigu! Nadai Bisi Utai? nyeritaka pengidup siku pengajar ke baru bulih pengawa ba sebuah mengeri mit di Sarawak.
Dirakam di sebuah pelilih menua di Sebuyau, nyadi tu antara 5 lokasyen ngaga video ke manah dilawa bala temuai!
1. Kampung Sebuyau
Sebuah genturung pendiau raban orang berikan ba tasik enggau sungai muntang alai bulih Ikan Terubuk Ulu Sarawak ke lebih dikelala enggau nama Ikan Panjai!
Produk betanam betupi baka kelapa mega bisi ditu.
Maya datai ditu, kita deka dikelaluka peranak di menua nya ke chukup kemerah.
2. Ai Wong Kampung Lunying
Lawa mih sebengkah palan ai wong ke bedau tebilang ba Sarawak!
Ai wong asal tu ulih dilawa nengah jalai darat/trekking nengah babas.
3. Kampung Tebelu
Datai mih nemuai ngagai siti genturung pendiau orang berikan ke tebilang ba Sarawak!
Pengeluar ikan mit baka ikan bulu manuk kelimpah tebilang laban undang.
Anang enda ingat pulai mai undang rangkai enggau ikan bulu manuk masin (ikan gonjeng) maya datai kitu!
4. Bukit Ruai
Bepalan ba mengeri Sebuyau, kita ulih niki Bukit Ruai ngena tangga simen ari Kampung Masjid.
Mandangka pemanah perampa menua mengeri Sebuyau, nanga Sungai Sebuyau ke Laut China Selatan enggau Sungai Batang Lupar ke nyengenda.
Anang enda nguji niki Bukit Ruai, pemanah rampa menua ditu chukup ngemantup ati!
5. Rumah Panjai Lunying enggau Kelait
Datai mih meda pendiau pengidup orang Iban Sebuyau!
Kita ulih ngelawa rumah panjai ba Kampung Lunying tauka rumah panjai lama di Kampung Kelait.
Cigu! Nadai Bisi Utai? bisi mandangka pemanah rampa menua ba sesebengkah kandang endur.
Peratika palan nya ba skrin ninting Hari Dua pukul 9.30 malam, lalu tandu iya ulih dipeda Hari Empat (12.30 ngalihari) enggau Hari Lima (1.15 lemai).
Semina ba TVS di Channel 122 di MYTV, Unifi TV enggau Astro!
Tauka peda terus ba tvsarawak.my tauka ba aplikasyen MYTV Mana-Mana, Unifi TV enggau Astro Go!
Peda episod keterubah ditu :
