DEBAK, 6 April: Projek Ngaga Jalai Surie-Tuie pemanjai 1.8 kilometer deka berengkah pengudah pengerami Hari Raya Aidilfitri tu.
Kaban Kunsil Nengeri (ADUN) Saribas Datuk Mohd Razi Sitam madah, proses nyerah taba projek tu begunaka agih belanja penyampau RM3 juta udah diatur kena Hari Satu tu tadi.
”Projek ke nyambung Jalai Surie-Tuie ke bisi 1.8 kilometer bedau tembu.
“Nya alai tu udah ditinda enggau diserah taba dua hari ke udah.
“JKR meda anggar dalam RM3 juta ke udah ditinda enggau dijangka dikemujurka kunteriktor ke bekaul pengudah Hari Raya tu,” ku iya.
Razi madah munyi nya pengudah ngulu Pengawa Bebuka Pasa diatur Parti Pesaka Bumiputera Bersatu (PBB) Pampang Saribas ditu, empai lama.
Ku tandu Razi, pengawa ngaga projek jalai nya deka ngambi timpuh pengelama 12 bulan enggau dijangka tembu bulan April 2025.
Sama bisi ngulu pengawa Kaban Parlimen Betong, Dr Richard Rapu, Pengawai Penguasa Pelilih Mit Debak, Hafiz Kepli enggau ke bukai.-TVS
