DEBAK, 5 April: Penyampau RM15 juta diungkupka dikena ngemanah jalai kebun di sitak Kunsil Nengeri (DUN) Saribas.
Kaban Kunsil Nengeri (ADUN) Saribas Datuk Mohd Razi Sitam madahka, projek ba baruh Ejensi Pemansang Bagi Menua Betong (BDDA) sereta dibagi ngagai empat zon iya nya Zon Jalai Tanjung Assam, Zon Jalai Bungin ke Mangut, Zon Tuie ke Supa enggau Zon Debak.
Ku tandu Razi madah, projek nya agi dalam proses diperundingka enggau Opis Parit enggau Entali Ai (JPS) Betong.
“Kitai bisi turu penyampau RM15 juta dikena ngangkatmanah jalai kebun ke bisi di Saribas.
“Diatu dalam proses nyidi batang jalai ke deka dikemanah enggau penyampau kilometer nya laban peminta ke lebih ari agih belanja ke bisi.
“Nya alai kitai deka magi nitihka pematut digaga dulu,”ku iya pengudah ngulu sebengkah program ditu, kemari.
Ku Razi mega, pejalai projek nya mai tuju mantu enggau ngemudahka raban pekebun tebal agi raban pekebun sawit mai pansut asil kebun sida pansut ari ladang.
Sama bisi datai Kaban Parlimen Betong Dr Richard Rapu enggau ke bukai.-TVS
