DEBAK, 29 Mac: Program Sejambak Kasih Hari Raya Aidilfitri taun tu bisi diatur ba tiga pelilih di Bagi Menua Betong iya nya Kabong, Debak enggau Pusa.
Kaban Kunsil Nengeri (ADUN) Saribas Datuk Mohd Razi Sitam madah, kandang endur ke enda tinggal endur ngatur program ke sebaka iya nya Beladin.
“Pagi tadi (kemari) aku begulai enggau raban ngemujurka Program Sejambak Kasih tu ba Kabong,” ku iya.
Razi madah munyi nya pengudah bejadika Program Sejambak Kasih Hari Raya Aidilfitri Bagi Menua Betong 2024 di Diwan Millenea Debak, kemari.
Ku iya bisi 2, 216 iku tauka 49.3 peratus ari penyampau semua penerima bantu di Betong udah nerima bantu nya.
Program ke sebaka deka diatur ba Beladin kena 4 April tu ila ngaul 100 iku penerima.
Ke penerang, Betong ba penuduk keempat nangkan Kuching, Samarahan enggau Mukah pemadu mayuh penerima.-TVS
