SPAOH, 26 Mac: Projek ngemanah dua jalai raya ba sitak Kunsil Nengeri (DUN) Bukit Saban ke beungkus urung RM45 juta deka berengkah enda lama agi.
Sapit Premier Sarawak Datuk Amar Douglas Uggah Embas madah, kededua projek nya mungkur Jalai Marak Selangking-Nanga Sela-Tanjung Paoh enggau Jalai Penyulok-Nangah Penebak-Ulu Penebak.
“Perintah GPS udah ngemendarka projek jalai raya iya nya ngemanah Jalai Marak Selangking-Nanga Sela-Tanjung Paoh beungkus RM26 juta.
“Udah nya siti agi projek ke udah dikemendar iya nya ngemanah Jalai Penyulok-Nanga Penebak-Ulu Penebak di Betong ke beungkus RM19 juta.
“Semua tempa tukuh projek tu udah tembu lalu semina nganti JKR ngiga kunteriktor ungkup pengawa muka tinda,” ku iya.
Uggah ke mega Kaban Kunsil Nengeri (ADUN) Bukit Saban madah munyi nya pengudah Program Pejalai ngagai empat buah rumah panjaik di DUN Bukit Saban, empai lama.
Ku tandu iya, kededua projek nya jakai nyema udah tembu deka nyungkak aktiviti ekonomi rayat sereta aktiviti dagang temuai beduduk ari sitak nya bepalan chukup dampih enggau replika Kubu Rentap.
Dulu ari nya, Uggah disempulang raban iya ngatur pejalai ngagai rumah panjai serata beratika pemansang pengawa sida bumai.
Antara rumah panjai ke bisi dilawa Uggah tu iya nya Rumah Kelimbang Jaman Penyulok, Rumah Radin Wilson Rabai Penebak Ulu, Rumah Joseph Sanda Jambu Kerampak enggau Rumah Steward Empati di Selangking.-TVS
