SARATOK, 22 Mac: Pelilih Saratok deka ngembuan sebuah agi Palan Pengetu Perintah ke baru ti deka digaga nengah agih belanja RM6 juta.
Kaban Kunsil Nengeri (ADUN) Kalaka Mohd Duri madah, projek nya digaga ba kandang endur urung 324, 000 meter persegi diatu benung nyiri juru perunding projek.
“Kami udah ngabas taba ngaga Palan Pengetu Saratok ke digaga nengah agih belanja ari Ejensi Pemansang Bagi Menua Betong (BDDA).
“Palan Pengetu nya endang siti ari prohek diperambu dibaruh DUN Kalaka.
“Nya alai, diatu benung nyiri juru perunding sereta dikearapka ulih berengkah taun tu ungkup tempa tukuh enggau ke bukai,” ku iya.
Mohd Duri madah munyi nya pengudah ngabas taba Projek Palan Pengetu Perintah di Saratok, Hari Empat tu tadi.
Ku terang iya, palan pengetu nya ila deka disikap enggau enam bilik nyadi tiga ari bilik nya deka diungkup ngagai raban pemesai lalu tiga agi ungkup orang periman.
Pengawa ngaga Palan Pengetu Perintah di Sarawak nya mega asil ari buah penemu ADUN Kalaka empu pengudah meda chunto projek nya ke digaga di Simunjan.-TVS
