SPAOH, 18 Mac: Bisi semilan buah surau, sebuah masjid enggau 22 iku tuai bilik ari raban K30 di Bukit Saban nerima bantu pemeri Hari Raya sepenyampau RM347, 800.
Kaban Kunsil Nengeri (ADUN) Bukit Saban Datuk Amar Douglas Uggah Embas madah, bantu nya dikena nulung komiti masjid, surau enggau ruang bilik ari raban K30 ngatur program tauka nyikap diri bepasa.
“Sehari tu kitai ngatur pengawa nyuaka bantu ngagai JKKK Kampung Spaoh, semilan buah surau sereta sebuah masjid enggau 22 iku raban 30 di Kampung Spaoh.
“Tuju pemeri tu ngambika sida ulih ngatur aktiviti ke bekaul sekumbang bulan Ramadan,” ku iya.
Uggah ke mega Premier Sarawak madah munyi nya maya dirandau media pengudah tembu pengawa kelai nyuaka Bantu Pemeri Hari Raya 2024 ngagai raban penerima ba Palan Servis ADUN Bukit Saban, Hari Enam.
Ku iya , tulung ke diberi nya antara inisiatif dikena ngedut kaul antara pengari rayat enggau mensia mayuh lebih raban ke bepengarap Islam di Bukit Saban.-TVS
