KUCHING, 22 Feb: “Terima kasih ke pengawa ti udah dikereja iya (Niang Tun Taib) ungkup pengelantang rayat Sarawak,” ku Kaban Kunsil Nengeri (ADUN) Layar Dato Gerald Rentap Jabu.
Kedu Tuai Pemegai Menua (TYT) niang Tun Pehin Sri Abdul Taib Mahmud udah mayuh meri pemansang ngagai menua Sarawak sereta udah negapka politik di menua tu enggau ngemeratka penyerakup ke alai Sarawak ngembuan mayuh bengkah pupu raban bansa sereta ngembuan penemu politik ti bebida.
“Meri terima kasih ngagai utai ke udah dikereja iya dalam lebih 60 taun. Kami berasai sinu laban ditinggalka orang ti dikangauka kami apai laban niang udah nyaga sereta ngintu kami sereta ngiri kami enggau penemu ti dikembuanka iya.
“Ngarapka utai ti ditinggalka iya ulih dipegai, dipeda sereta dikunsi ngagai nembiak rebak baru baka kami. Niang deka meda semua bansa mansang lalu udah negapka penyerakup ngambika rayat ulih begulai sama dalam siti perabung sekalika rumah ke besai,” ku iya. – TVS
