KUCHING, 19 Feb: Indu Opis Polis Pelilih (IPD) Lubok Antu seruran ngemeratka penyerakup sereta nempa kaul ke manah enggau komuniti lokal.
Tuai Polis Pelilih Lubok Antu, Deputi Superintenden (DSP) Victor Ripon madahka, kelimpah nyaga pengelikun ba garis entara menua, raban iya diperansang ngemeranka ulah bebasa sereta meretika budaya komuniti lokal.
Ku iya, pengawa Geremoung Tanda Singa Lubok Antu ti datai nemuai lalu mantaika tanda singa opis IPD endang dikelaluka nyerumba Pengerami Taun Baru China.
“Tu nandaka kaul entara raban Polis enggau komuniti manah senutuk enggau rambai jaku ‘Polis dan Masyarakat Berpisah Tiada’,” ku iya nengah siti penerang empai lama.
Kira-kira bisi 15 iku bala nembiak ari Gerempung Tanda Singa Lubok Antu datai nemuai seraya mandangka tanda Singa ba IPD Lubok Antu.
Ku iya, tuju ngatur pengawa tu dikena mantaika tanda basa seraya meri terima kasih ke pengeransing raban polis ti udah nyaga pengelikun garis entara menua. -TVS
