SARATOK, 8 Feb: Projek Ngemanah Diwan Dataran Ilmu Kolej Pom Enam Saratok (KTES) deka dipasukka ba rintai Projek Transformasyen Menua Pesisir ( RTP) Kunsil Nengeri Kalaka taun 2025.
Kaban Kunsil Nengeri (ADUN) Kalaka Mohd Duri madah, projek ke beungkus RM 210, 000 nya mungkur pengawa nyemin lantai.
“Asil randau aku enggau Prinsipal Kolej Pom Enam Saratok tadi dia kami setuju ngemanah Diwan Dataran Ilmu di KTES tu enggau ungkus RM210, 000.
“Nyadi projek tu deka dipasukka aku ba rintai Projek RTP DUN Kalaka ba taun 2025,” ku iya.
Iya mansutka pekara nya pengudah Pengerami Anugerah Kolej Pom Enam Saratok (KTES) ditu pagi tadi.- TVS.
