BETONG, 23 Jan: Siku lelaki ke udah lunggar umur ditemu gegaring mati ba sebuah bilik hotel ditu urung pukul 8 pagi, kemari.
Tuai Polis Pelililih Betong, Deputi Superintenden (DSP) Zamry Alli madahka tudah ke udah nadai nya siku lelaki bebansa China beumur 63 taun sereta udah dibai ke Sepital Betong ngambika diaku sida sebilik.
Ku terang Zamry maya dirandau pengari TVS, asil pansik tumu mega beratika nadai sebarang kelai jenayah ba tubuh tudah.
Bini tudah lelaki ke udah midang nya madahka, laki iya nya kala ngembuan sejarah ditepan penyakit tungkul ati.
Taja pia, raban polis agi nganti asil ripot penuh buntas tasat lalu kes nya naka tu dikategorika mati ngenyit.-TVS
