SARATOK, 23 Jan: Projek pemansang beungkus RM6.025 juta deka dipejalaika ba Kampung Kupang ditu enda lama agi.
Kaban Kunsil Nengeri (ADUN) Kalaka Mohd Duri madah semua projek nya dipejalaika nengah agih belanja ari Opis Menteri Ekonomi enggau enggau Ejensi Pemansang Bagi Menua Betong (BDDA) kelimpah ari agih ari projek Transformasyen Menua Luar (RTP).
“Projek RTP sepenyampau RM250, 000 deka dikena ngemujurka Projek Neriki Parit di sitak Kupang.
“Nya alai, kitai beterima kasih ngagai Opis Menteri Ekonomi laban udah ngagihka dua projek di Kupang iya nya ngemanah jalai di Skim B enggau ngemanah sistem parit ke beungkus RM500, 000 ungkup siti projek,” ku iya.
Mohd Duri madah munyi nya pengudah nutup program pemereti ati enggau pengelikun ari penusah angus diatr ba Sekula Primari (SK) Kupang Saratok sehari tu tadi.
Nangkan ke nya, Mohd Duri madah di sitak Kampung Kupang aja penyampau agih belanja diberi manggai RM1 juta ungkup projek pemansang mungkur pengawa ngaga ‘pintu-pintu ai’.
“Kitai ngarapka semua projek ke udah dilanggur ulih dipejalaika dalam taun tu lebih agi bekaul enggau atur meri tinda enggai nyiri raban kunteritor,” ku iya.
Udah nya, Mohd Duri ngelalau bala Tuai Rumah enggau Tuai Raban Bansa (KMKK) ba sitak Kupang terus meri kerejasama ba semya perambu pemansang ke udah ditusun ke pemaik rayat ba sitak nya.
Sama bisi ngulu program tu iya nya Tuai Balai Bomba enggau Penyah Penusah Saratok, PPgB Putra Ela, Kepala Pengajar SK Kampung Kupang, Maseri Matnor dan Penghulu Kampung Kupang, Missis Aris,” ku iya.-TVS
