KLANG, 21 Jan: Menteri Besai Datuk Seri Anwar Ibrahim nyemetak madah iya sigi enda ngetu ngerungkai enggau mansik ulah ke udah dikereja raban orang kaya enggau sida ke tampak rita.
Ku iya, pengawa nya patut nerima sukung penuh ari rayat, laban ukai muntang deka mansik raban ke bekaul.
“…lebuh kitai deka bejalaika atur, nganu madah Menteri Besai chukup kasar deka bejalaika atur.
“Tu ba aku nyelai. Enti nitih nuan (rayat) nyukung. Ukai nyamai deka mansik Tun.
“Mansik Tuai Rumah senang, mansik pengajar sekula senang. Tang deka mansik orang kaya ke enchuri duit kumbai nuan nyamai? Enda mudah.
“Tang tu laban kitai deka nyaga menua, anang ngelak orang enchuri duit rayat, tang tulung mih rayat, kitai deka ngagai orang jai, aku enda peduli nama empas iya,” ku iya.
Anwar mansutka pekara nya maya bejaku nyerumba Pengerami Ponggal Nasional ba Klang, kemari.
Kena 17 Januari tu tadi, Komiti Nagang Penyalah Makai Suap Malaysia (SPRM) ngenuku ke raban sida bisi ngambi penerang ari anak ex-Menteri Besai dipelaba bisi kaul enggau dagang ke dipejalaika iya ba ujung taun 1990-an.
Bulan Disember 2023, raban SPRM bisi ngerampas begunan Menara Ilham di Kuala Lumpur dipelaba bisi kaul enggau kes salah guna wang menua sepenyampau lebih RM2.3 bilion ngaul siku tukuh koporat enggau ex- menteri kanan.-TVS
