ENGKILILI, 19 Jan: Opis Menteri Pengerai Malaysia (KKM) dipelaba deka mantaika sebengkah atur pengawa baru ke pemaik mensia mayuh di menua pesisir.
Sapit Menteri Pengerai Malaysia, Datuk Lukanisman Awang Sauni madah, atur baru nya beguna amat dikena neruska servis ke lebih manah dudi hari.
“Kitai sama nemu bisi seraka ke besai antara servis di mengeri enggau menua pesisir.
“Nya alai, kitai deka meri servis ke lebih manah nyangka sebedau tu kitai nguna jalai sungai tang diatu udah bisi Jalai Raya Pan Borneo ke ditar manah ngujung pejalai ngelama klinik lebih semak.
“Beduduk ari nya nya, kitai patut berundingka atur baru ukai semina deka ngaga klinik din ditu tang kitai deka sebuah klinik ke disikap menyana baka sepital,” ku iya seraya madah deka neruska agenda ke sebaka ungkup pejalai gawa dudi hari.
Lukanisman mansutka pekara nya maya dirandau raban media pengudah pejalai nemuai ngagai Klinik Skrang ditu, kemari.
Nangkan ke nya, Lukanisman meri terima kasih ngagai semua ejensi ke bekaul lebih agi Perintah Nengeri Sarawak laban udah meri sukung ke chukup manah sekumbang program pejalai gawa nya.
Berebak enggau nya, iya bisi ngagihka belanja sepenyampau RM200, 000 ke udah dikemendar dikena ngemanah agi Klinik Pengerai Skrang dibaruh Program Klinik Repuk Inisiatif Bintara Madani 2023.-TVS
