DEBAK, 18 Jan: Opis Pengerai Malaysia (KKM) udah ngemendarka agih sepenyampau RM300,000 dikena ngemanahka Klinik Pengerai Debak di Betong.
Sapit Menteri Pengerai, Datuk Lukanisman Awang Sauni madah, sekeda perambu bukai pasal ngemanahka klinik nya sebedau tu kala dikenataika ngagai iya deka diberi perati enggau ditisih.
“Kitai (KKM) tadi udah ngemendarka agih RM300, 000 dikena ngemanahka Klinik Pengerai Debak enggay sekeda perambu bukai ari pengari rayat.
“Aku udah beratika sekeda keresa ke diguna ditu baka Ultrasound enggau mega Klinik Pengerai Debak pan baru tembu dipasang mesin X-Ray Digital ke deka ulih mantu pengawa X-Ray ba Klinik Pengerai Debak Debak,” ku iya.
Iya mansutka pekara nya maya pejalai nemuai seraya gawa ngagai Klinik Pengerai Debak, kemari.
Klinik Pengerai Debak nyadi palan kelapan dilawa dilawa raban KKM ari 22 palan klinik pengerai ke dipilih ba selampur Sarawak.
Sama bisi datai Kaban Parlimen Betong, Dr Richard Rapu enggau Kaban Kunsil Nengeri (ADUN) Saribas, Datuk Mohd Razi Sitam.-TVS
