LIMBANG, 10 Dis: Kaban Kunsil Nengeri (ADUN) Batu Danau Dato Paulus Palu Gumbang madah sitak Batu Danau udah nerima agih belanja urung RM2 juta ari Unit Pekara Pengarap Bukai (UNIFOR) dikena ngaga gerija ba konstituensyen nya.
Iya madah, perintah nengeri chukup belemati enggau nemu bagi pekara ke diguna rayat ba sitak Batu Danau.
Ku iya agih belanja nya patut diguna enggau manah dikena nentuka perengkaguna nya udah tembu enggau lengkas sereta meri pengelantang ngagai raban Kristian besembiang.
“Ungkup kitai ba sitak Batu Danau asai aku dikena ngaga chapel, kitai pan udah mayuh nerima agih belanja ari UNIFOR.
“Aku enda ingat berapa penyampau iya, tang asai aku ungkup taun tu manggai RM2 juta udah diterima kitai enggau tu nyengkaum ba tiang pemun empai lama RM400,000 nyadi aku ngarapka nengah pemisi agih belanja tu chapel kotai ulih digaga (manah) lalu guna mih nya enggau manah,” ku iya.
Iya madah munyi nya maya Pengerami Hari Diri Sebilik Pra Krismas Kampung Batu Danau enggau Pengerami Makai Selamat Beserumpu ba Diwan Main Asal Bisaya, Kampung Batu Danau malam tadi.
Ngelansa senentang pemansang ba sitak nya, Paulus nerang pengawa nyambung ai ba sitak Bawang Obor enggau kandang endur ke besemak diatu benung chakah dipejalaika.
“Ungkup sida Ukong sida, NRDA udah ngatur penemuai begulai enggau pengani genturung pendiau, pengari menua diri iya nya meda taba projek.
“Nyadi tu mai reti enda lama sitak ari Jalai Bawang Obor ke Tanah Mirah deka bulih bekal ai,” ku tandu iya.
Ku iya, pengawa nyambung ai nya kebendar begunaka awak laban mayuh proses baka proses tinda, meresa tinda enggau ke bukai.-TVS
