BETONG, 7 Nov: Balai Polis Beladin dipelaba deka dibuka penuh bulan Disember tu, ku Dato Mohd Azman Ahmad Sapri.
Kepala Polis Sarawak nya mansutka pekara nya nengah sebengkah aum pemberita pengudah bejadika Balai Polis Debak ke baru ditu, kemari.
Kenu ku iya, sepengudah sekeda pekara teknikal ke ngaul Opis Kereja Raya (JKR) tembu baru balai polis ke baru nya ulih dikena.
“Kitai ba renggat kepenudi lalu pengawa mutarka penanggul teknikal disadang tembu enda lama agi.
“Kenyau tiga taun balai polis nya empai ulih dibuka nyadi aku ngarap amat iya ulih dibuka ba taun tu nganti udah diaku raban JKR,” ku terang iya.
Sama bisi datai ba pengawa nya, bini Kepala Polis Sarawak Datin Nassariah Mohd Nassi, Sapit Kepala Polis Sarawak, Dato Mancha Ata enggau bini iya Datin Jennita William, Tuai Polis Pelilih DSP Zamry Alli, Kaban Kunsil Nengeri (ADUN) Saribas Datuk Mohd Razi Sitam enggau ke bukai.-TVS
