DEBAK, 29 Okt: Chairman Palan Aktiviti Orang Lunggar Umur (PAWE) Pelilih Mit Debak, Juki Jimbon, 68, ngarapka penumbuh Opis PAWE di Debak ulih nyungkak semangat kaban komiti PAWE di Debak gawa bebendar agi tu ngambi ulih mansang baka pawe ba endur bukai.
“Nengah pemisi opis baru tu di Debak kami ngarapka iya deka meri kami komitmen lalu meransang kami orang lunggar umur ditu jemah ari sukut ngatur program.
“Pia mega, aku ngarapka jemah PAWE Debak tu ulih mansang maju baka alai bukai, ku iya maya dirandau pengari TVS pengudah tembu pengawa bejadika palan nya, kemari.
Nangkan ke nya, Juki meransang mensia mayuh lebih agi raban orang lunggar umur di Debak sama ngerejister diri nyadi kaban PAWE.
“Nuju semua mensia mayuh di Debak tauka N.35 Saribas aku meransang sama ngerejister nyadi kaban PAWE.
“Datai mih kediri empu ngagai Opis PAWE ba Begunan Komuniti ba ringkat baruh minta nyadi kaban,” ku iya.-TVS
