BETONG, 19 Okt: Majoriti raban nembiak ke ngulu Program Outreach UPU2U 2023 madahka diri gagit sereta berasai betuah laban bisi program ti manah baka nya endur sida bulih penerang ke silik senentang Palan Pelajar Tinggi (IPT) ke bisi di menua tu.
Ku siku nembiak Laurence Teo Suli, 19, madah program nya chukup besai guna ngambika sida nemu milih bidang ke betul dalam sistem Unit Penama Universiti (UPU) udah tu.
“Manah laban ba aku program baka tu ulih ngajar baka ni chara deka minta UPU lalu baka ni aku deka milih ‘aliran’ (kus pelajar).
“Tu mega ulih meri aku pengandal ngagai pemutus digaga aku jemah.
“Aku ngarapka program baka tu terus dipejalaika laban chukup beguna mantu nembiak baka ni deka minta UPU,” ku iya maya dirandau pengari TVS nyerumba Program Outreach UPU2U 2023 nya.
Udah nya Kelvin Nunong, 18, madahka Program Outreach UPU2U chukup manah laban udah nyadika pelasar endur ngiga palan endur nampung pelajar ti pemadu manah.
“Manah dikena begigaka alai nampung belajar lalu nyangka bisi narit minat nyangka ulih endur nguji minta.
“Program baka tu manah amat laban ulih alai kitai nemu enggau silik senentang institusyen ke bisi (di menua tu),” ku iya.-TVS
