BETONG, 16 Okt: Agih belanja sepenyampau RM510, 000 udah dikemendarka dikena bejalai KE program Penyungkak Produktiviti Getah (GPPG) di Sarawak.
Sapit Menteri KKDW Datuk Rubiah Wang madah, tu dikena Kaunsil Pemansang Pekebun Mit Penyual Getah (RISDA) mekuh ke agi pengawa meransang raban pekebun getah mit di menua tu.
“RISDA kebendar bisi diungkupka agih belanja sepenyampau RM510, 000 dikena mekuh ke agi kimpin penyungkak produktiviti getah di Sarawak.
“Tu siti ari chara RISDA dikena nentuka raban pekebun getah mit ke bisi diatu ngereja kebun sida udah tu lalu program tu dipejalaika ba selampur menua.
“Sehari tu diatur ungkup tikas nengeri Sarawak di Betong ke alai sitak Betong tu mega siti ari sitak ‘Rubber belt’ di Sarawak,” ku iya.
Rubiah mansutka pekara nya maya dirandau media pengudah bejadika Program Kimpin Raban Penyungkak Produktiviti Getah Tikas Nengeri Sarawak 2023 ba Diwan Panglima Rentap ditu, ensana.
Nya alai, rubiah terus meransang meransang raban pekebun mit getah di menua tu chakah agi ngereja kebun getah.
Ku iya, empai lama perintah udah nambahka siling rega getah sepenyampau RM0.30 sen lalu ngarapka nya deka nyadi peransang ngagai raban pekebun mit getah ngemansangka kebuan sida.-TVS
