ROBAN, 29 Sept: Bisi 200 kandang endur ba menua tu udah dikelala sereta dirintai nyadi palan ke mudah kena penusah ampuh bah enggau penyadi tanah tusur.
Beduduk ari nya, Direktor Opis Bomba enggau Penyah Penusah Malaysia (JPBM) Sarawak Datu Khirudin Drahman, mesan mensia mayuh tauka pengani ke diau ba kandang endur bekaul anang enda ngadang maya ujan bangat lebih agi maya malam hari.
“Sarawak tu besai nyadi kitai udah ngelala urung 200 lebih kandang endur ke mudah putus dilawa, kandang endur ke mudah kena tanah tusur.
“Nya alai, aku ngelalau mensia mayuh anang lama natam diri ba endur tu maya ujan bangat, enti bisi penyadi bah enggau nyadi mua ke malam hari mesti ngadang laban nya deka ngujungka penusah enda disadang nyema enda diputar enggau manah,” ku iya.
Iya madah munyi nya maya ngulu Program Jangkauan Luar MLNG Bestari ba SMK Kalaka ditu empai lama.
Nambah nya ku Khirudin, notis udah dikeluarka ngagai tuai zon enggau tuai balai ngambika tumu nyikap atur ke patut.
“Aku udah ngasuh semua Tuai Zon Tuai Balai nyikap semua keresa kami…amat gerah udah dipadah nyadi aku ngarapka maya penusah nyadi kitai uih mutarka penusah nya enggau manah ungkup nengeri Sarawak.
“Kitai ngarapka semua komuniti meri perati enggau nitih atur ke udah dipadah raban bekaul,” ku iya.-TVS
