PUSA,23 Sept: Enam bengkah projek beungkus RM60 juta deka dipejalaika ba pelilih Pusa.
Kaban kunsil nengeri (ADUN) Beting Maro Razaili Gapor madah, ari enam iti projek nya siti deka dipejalaika ba taun tu.
“Kitai deka ngaga siti diwan besai ba taba tu enda lama agi.
“Kedua enda lama agi mega kitai deka berengkah ngaga ‘Waterfront’ ba seberai din betungga enggau Palan Makai baru ba Tanjung Pasir ba Sungai Uguran.
“Projek bukai deka dibai kitu baka ngaga waterfront mit ba sitak pendam enggau Kampung Kalok.
“Bisi empat iti agi (projek) deka digaga iya nya Palan Konvensyen baru ungkup Pelilih Pusa,” ku iya.
Razaili madah munyi nya lebuh bejaku ba mua mayuh rambau bejadi ke Pekit Lumba Perau Regata Tandang Sari 2023, kemari.
Nangkan ke nya, ku Razaili penembu semua projek tu ila ulih meri peluang nagai mensia mayuh ngambi bagi sereta ngerichah agi aktiviti ekonomi di Pusa.
“Tu ngambi ke ulih meransang mayuh agi peranak ditu sama ngambi bagi laban Pasar Pusa tu nyadi ke palan alai mensia mayuh begempuru.
“Sida ke datai kitu ari genturung pendiau besemak sekalika nya ari pelilih Betong, Debak, Kabong enggau Saratok,” ku iya.-TVS
