ROBAN, 18 Sept: Rayat Roban chukup betuah laban mayuh pemansang benung chakah digaga nengah Projek Transformasyen Menua Pesisir (RTP) pengari rayat (Perintah Gabungan Parti Sarawak) ke megai menua nya.
Kaban Kunsil Nengeri (ADUN) Kalaka Mohd Duri madah iya seruran berandau enggau bala nembiak bekaul enggau langgur pemansang ke patut digaga ba sitak nya.
“Nya alai ba aku rayat di Roban tu benasit laban mayuh nerima projek RTP ari bala YB (pengari rayat GPS) nyengkaum aku empu.
“Nya alai ungkup kawasan Melayu Roban tu aku selalu berandau enggau raban nembiak ditu ngatur pelin pemansang sebarang aja bansa lumba ukai semina futsal,” ku iya.
Mohd Duri madah munyi nya maya Program Ziarah Unit Komunikasyen Perintah Sarawak (UKAS) ba Kampung Melayu Roban ditu, kemari.
Dulu ari nya, Mohd Diri madah urung RM200, 000 agih belanja udah dikemendar dikena ngemanah Gelanggang Futsal Kampung Melayu Roban.
Ku terang iya, pengawa ngemanah panggau baru ba Gelanggang Futsal Kampung Melayu Roban dibaruh projek RTP nya deka dipejalaika taun baru.-TVS
