SIBU, 1 Sept: Perintah Sarawak enggau Opis Menteri Pelajar Malaysia (KPM) seruran komited mutarka isu pelajar ba Sarawak lebih agi bekaul enggau sekula tembawai.
Kaban Kunsil Nengeri (ADUN) Meradong, Datuk Ding Kuong Hiing madah, projek ngemanah enggau ngaga begunan baru ba 33 buah sekula ba Sarawak taun tu udah dikemendar nengah Langgur Pemansang Malaysia Lumpar Ke-12 (RMK-12).
Ku iya, perintah mega udah ngemendarka 147 projek ngemanah begunan tembawai nengah agih belanja manggai RM1 billion di Sarawak.
âLaban ke nyadi pengari rayat ba sitak Meradong tu, aku enggau naka ulih minta belanja ari Perintah Sarawak dikena mantu melanja program-program pelajar ba Palan Penarak Pengajar (IPG) Kampus Rajang ngambika meri pemaik ngagai raban siswa pengajar (pengajar pelatih) kitai,â ku iya.
Iya madah munyi nya maya bejadika Pengerami Anugerah Pengawa Nyulut (APC) IPGÂ Kampus Rajang.
Berebak enggau nya, Ding mega minta raban pengajar meretika mayuh polisi perintah sereta bekerejasama enggau perintah nengeri ngambika pelin pemansang nengeri Sarawak ulih dikemujur.
Kerejasama nya ku iya, chukup beguna dikena nentuka pelin pemansang nengeri Sarawak ulih nyapai tuju ke udah dilanggur.
Ba pengerami nya, iya bisi nyuaka agih belanja sepenyampau RM10,000 ngagai IPGÂ Kampus Rajang.-TVS
