KUCHING, 1 Sept: Premier Sarawak, Datuk Patinggi Tan Sri Abang Johari Tun Openg nyemetak madah pekara politik enda ibuh dipolitik.
Ulah baka nya ku iya, semina deka meri empas ke enda manah enggau ngujungka pekara pelajar nembiak tekeruga.
“Enti ulih pekara pelajar enda ibuh dipolitik, laban nya semina deka ngenataika timbal politik.
“Enti semua (perkara) dipolitik, tusah. (Tu bebida nyema) pekara pelajar digaga nyadi pugu dikena nyungkak tikas pengidup, nyadi nya deka nyadi kereban dikena kitai maju ke mua,” ku iya.
Abang Johari madah munyi nya maya Pengerami Nutup Pekit Lumba Main Bol Sekula Sekondari Peribit China Malaysia ke-10 ditu.
Sama bisi ngulu pengerami tu, Sapit Premier Sarawak, Dato Sri Dr. Sim Kui Hian.
Nya alai, Abang Johari minta semua raban badu melitikka sekeda pekara laban nya semina deka ngundang timbal enggau enda nemu putus.
“Udah nya, menua deka tumbang. Kita deka Malaysia mansang lalu pia mega Sarawak, kita deka terus mansang lalu naka tu dibaruh iring ketuai Gabungan Parti Sarawak (GPS), semua nya mujur,” ku terang iya. -TVS
