KUCHING, 24 Ogos: Prototaip Transit Arus Autonomi (ART) ke diberi nama bulan benung diuji nengah sekeda jalai semak Palan Aum Borneo Kuching (BCCK), kemari.
Pengawa ngujika pejalai bulan nya sebagi ari atur tumu sebedau ngalih ngagai proses injiniring ti deka dipejalaika udah tu.
ART nya ulih muat urung 100 iku penumpang dalam siti tanju.
Pengawa ngujika bulan lebuh hari tiga lanchar, asil jaga kemata raban Sarawak Metro enggau Polis Trafik Diraja Malaysia.
Hari Satu tu tadi, Menteri Pengangkut Sarawak, Dato Sri Lee Kim Shin nengah siti penerang madah Latih Injiniring deka berengkah 4 September nyentuk 31 Oktober neresa Jalai Keruing lalu mansa Menara LCDA, Menara SEDS, Menara Sarawak Energy enggau Palan Aum Borneo Kuching (BCCK).
Nangkan ke nya, Premier Sarawak, Datuk Patinggi Tan Sri Abang Johari Tun Openg ditaga bejadika Latih Injiniring Prototaip Transit Arus Autonomi (ART) ti ngena kuasa hidrogen pun bulan baru.
Abang Johari mega diperita deka nepan ART nengah Jalai Isthmus.
Ungkup rikod, Prototaip ART ti ngena kuasa hidrogen nya datai ba Terminal Senari kena 5 Ogos tu tadi.
Servis ART dibaruh Projek Sistem Pengangkut Mengeri Kuching (KUTS) ditaga bejalaika pengawa chara berenggat berengkah suku keempat 2025 nujah garis biru ti berengkah ari Stesyen Rembus, Kota Samarahan nuju ke Stesyen Hikmah Exchange ba puak mengeri besai Kuching.-TVS
