LUBOK ANTU, 12 Ogos: Tekat Hidroelektrik Batang Ai bisi penau nyadi sebagi ari palan eko-dagang temuai.
Kaban Parlimen Lubok Antu Roy Gingkoi madah, enti diperati enggau mata kasar palan nya ulih muka peluang ngagai rayat mayuh nambahka penatai pemisi diri.
Roy mega madah, tekat nya ulih nyadi jalai ngagai semua pelilih Lubok Antu enggau ngemudahka rayat ke diau mendam ngerandang industri eko-dagang temuai.
“Rayat Lubok Antu patut ngerebut peluang enti indu mengeri menua lndonesia udah pindah ngagai Kalimantan Barat laban palan nya semak enggau ICQS Lubok Antu.
”Tu mih peluang rayat Lubok Antu nyungkak tikas sosioekonomi sida,”ku iya nengah sebengkah penerang, kemari.
Berebak enggau nya, Roy mega madah Sapit Menteri Besai Datuk Seri Fadillah Yusof suah ngelakuka asil komoditi kelapa sawit ngagai menua luar ungkup ekonomi menua lebih agi dikena mantu raban pekebun kelapa sawit.-TVS
