KUCHING, 1 Ogos: Perintah Sarawak nyemetak madahka maya diatu nadai ibuh nyiri pemangku Tuai Pemegai Menua (TYT) Sarawak laban Tun Abdul Taib agi dapat bejalaika tangkup pengawa rasmi.
Sapit Menteri ba Opis Premier Sarawak (Undang-Undang, MA63 enggau Kaul Sarawak-Perintah Besai) Datuk Sharifah Hasiddah Sayeed Aman Ghazali madahka, tu laban Tun Abdul Taib diripotka enda gerai maya di menua luar lalu diatu benung dalam proses berubat.
“Tun Abdul Taib agi berkomunikasyen enggau perintah nengeri sereta ulih bejalaika tangkup pengawa rasmi sereta konstitusyen nengeri taja nadai ba ditu,” ku penerang nya.
Sharifah Hasidah madahka, perintah Sarawak seruran dipadahka status pengerai Tun Taib.TVS
