KUALA NERUS, 23 Julai: Opis Menteri Pelajar (KPM) meri kuasa autonomi ngagai Direktor Kolej Pra-Universiti KPM milih nembiak ke patut nampung pelajar ba kolej diri empu ba serata menua berengkah taun tu.
Menteri Pelajar, Fadhlina Sidek madah, kuasa autonomi ke diberi nya entara chara perintah dikena mantu nenduka atur masuk Pom 6 sereta ngurangka isu nembiak kena tinggal pelajar.
“Kitai benung beratika penuh laban bisi 3 pengasai STPM tu enti ulih lebuh iya udah diangkat semua dikerembai ngagai kolej universiti deka sama tikas nyadi Kolej (Pra-Universiti KPM).
“Tang pekara ke pemadu beguna autonomi tu prinsipal udah ulih milih nembiak Pom 6 nengah kuasa ke dikembuan.
“Sebedau tu peminta masuk Pom 6 iya nya ba kuasa KPM,” ku iya.
Iya madah munyi nya maya dirandau pengudah bejadika Gempuru Pewaris Serak Madani di Sekula Sekondari (SM) Sains Sultan Mahmud, di Kuala Nerus, Terengganu, sehari tu.
Berebak enggau nya, Fadhlina madah, KPM ngaga nama baru ngagai sekeda pekara dalam sistem pelajar Pom 6, lalu dikemendarka dikena tekala nya.
Ku iya, kolej Pom 6 diatu diberi nama Kolej Pra-Universiti KPM lalu pangku pengawa prinsipal deka ditukar ngagai direktor.
Pengawa ngaga nama baru nya mega ngemataka ubah nama pangkat pengajar penolong kanan ditukar ngagai sapit direktor, lalu bala pengajar disebut pengelicha.-TVS
