KUCHING, 8 Jun: Tikit masuk ngemataka ‘Rainforest World Music Festival’ (RWMF) 2023 deka berengkah dijual pagila nyentuk 11 June tu.
Kaunsil Dagang Temuai Sarawak (STB) madah tiga endur udah dipilih alai nyual tikit konsert ninting taun tu iya nya Plaza Merdeka enggau Vivacity Megamall di Kuching sereta Bintang Megamall di Miri.
“Pengawa nyual tikit berengkah 10 pagi nyentuk 10 malam. Mensia mayuh ke bisi meli tikit ba endur tu bepeluang nyabut tikit benasit sereta menang tiket tambah dikena ngulu pengerami seraya nitih atur ke udah ditetapka,” ku penerang nya.
RWMF 2023 deka diatur berengkah 23 nyentuk 25 June di Kampung Budaya Sarawak (KBS), Santubong.
RWMF 2023 mega deka ngayanka bemacham genre muzik, nyengkaum raban pemenang Anugerah Grammy, Gipsy Kings baka Tonino Baliardo ari Perancis ti deka mantaika lagu-lagu hits sida ‘Djobi Djoba’ enggau ‘Bamboleo’ lalu tu disadang deka matak ati raban temuai ke ngulu pengerami nya.
Raban pemerindang tu endang tebilang enggau genre muzik pop, flamenco enggau tiun tradisional.
Udar tikit diatu ba http://rwmf.net – TVS
