KUCHING, 23 Mei: Achara ensikal trek ungkup pekit Lumba Malaysia (SUKMA) 2024 enda ulih diatur ba palan velodrome ke deka digaga laban nya ngambi awak pengelama dua ngagai tiga taun endur tembu.
Menteri Nembiak, Lumba enggau Pemansang Orang Dagang Sarawak Dato Sri Abdul Karim Rahman Hamzah madah, velodrome nya dipelaba tembu tembu taun 2026.
“Nadai chara kami ulih nyikap diri (ngerumban) ungkup trek.
“Tang kami enda nyekat ensikal laban lumba ensikal bukai agi ulih diatur ba jalai raya, ensikal bukit, nurun bukit enggau BMX.
“Lumba tu tetap deka diatur tang nyangka kitai ngena lumba pechut, ti enda ulih diatur ba dalam velodrome, tang nya deka diatur ba Jalai FAC (Matang) ,” ku iya nengah sebengkah aum pemberita ke diatur ba Kompleks DUN, sehari tu tadi.
Abdul Karim madah, taja palan velodrome nya enda ulih diguna ungkup SUKMA 2024, tang nya deka dikena ungkup main bukai betikas antarabansa ti deka dipadah udah tu ila.-TVS
