KUCHING, 16 Mei: Perintah Sarawak ngagihka belanja sepenyampau RM186.5 juta dikena bejalaika lima projek ungkup sektor palan penyangkai kapal ba baruh Langgur Pemansang Malaysia Lumpar ke-12 (RMK12).
Sapit Menteri Pemansang Infrastruktur enggau Pemansang Penyangkai Kapal, Dato Majang Renggi madahka, inisiatif nya diripihka ba baruh Starategi Pemansang Pasca Covid-19 (PCDS) 2030.
Entara projek tu iya nya bekal enggau masang sistem atur trafik kapal (vessel traffic management system) Sungai Zon Bebas Senari, Kuching; Pansik Pelin Besai Pelan Penyangkai Kapal Miri Renggat 1;
Ngaga Laman Kerita enggau Fasiliti Penyangkai Kapal Senari, Kuching; sereta Bekal Masang enggau Profesional Dua ‘Quay Crane’ Penyangkai Kapal Senari Kuching.
“Bisi lima projek ba baruh PCDS 2030 enggau kos penyampau RM186.5 juta ke benung dipejalaika lalu 15 projek baru udah dikenataika ngambi ulih diperundingka dalam pansik setengan penggal Atur Perambu Malaysia Lumpar Ke-12 (RMK-12),” ku iya.
Majang mansutka jaku nya rambau nyaut tanya Kaban Kunsil Nengeri (ADUN) Daro, Safiee Ahmad nyerumba Aum DUN Sarawak, lebuh Hari Dua.
Lebuh nyaut tanya tambah, Majang madahka projek bekal enggau masang kereban ungkup guna kapal udah tembu lalu langgur bekal masang enggau profesional projek kren sereta langgur bekal enggau masang sistem atur trafik kapal (VTMS) udah dikenataika ngambi ulih diperunding nengah pansik setengan penggal, Langgur Pemansang Malaysia Lumpar ke -12 (RMK12).
Nangkan ke nya, Majang ke mega ADUN Samalaju madah bisi 15 projek baru udah dikenataika ngambi ulih diperunding dalam pansik tengan penggal RMK12.
Projek ke udah tembu 100 peratus iya nya projek nyeruri Rumah Api Tanjung Po, Rumah Api Tanjung Datu enggau Masang kereban bantu navigasyen di Tanjung Manis.
Ku iya, Projek Nyeruri Rumah Api di Tanjung Po enggau Tanjung Datu udah tembu digaga.-TVS
