KUALA LUMPUR, 30 April: Atlit para nyemerai menua, Brenda Anellia Larry mujur bulih midul emas nengah lumba 150 meter (m) kategori solo indu ba hari keterubah Pekit Siri Dunya Nyemerai Para Singapore 2023 ba Palan Akuatik OCBC, kemari.
Nitihka penerang dibantai laman web pekit https://www.titanium-sportservice.de/, atlit beumur 18 taun ke bepekit ba kategori SM 1-4 (timpang ba tubuh) nya ngerikod pengelaju 4 minit 13.63 sikin (s) lalu ngujungka iya ngalahka atlit ari Brazil, Susana Schnarndorf enggau rikod 5:19.35s.
Pekit nya semina dipasuk Brenda enggau Susana.
Nitihka atur pekit, semina Brenda ulih nerima midul laban pekit nya dipasuk kurang ari tiga pemekit.
Pekit Siri Dunya Nyemerai Para 2023 di Singapore diatur nyentuk pagila (1 Mei). – TVS
